90 後迷路情侶 靠自拍相脫險 傳相好過用 Google Maps? Alex 六月 2, 2016 21:10

唔賭唔知時運高!未試過點知好唔好?相機鏡頭新舊配件有平有貴也千奇百怪,尋覓是樂趣,創作慰心靈,中伏長知識。

真係唔講都唔知,自拍除咗可以作為生活記錄之外,仲隨時可以救你一命。據 DIYPhotography 報道,英國有對相信係 90 後嘅情侶,去咗距離曼徹斯特約 40 公里嘅 Peak District National Park 行山。可能果度嘅景色真係太正,又可能佢哋兩個只係顧住影相,唔覺唔覺就盪失路!呢兩位青年人仲識得打緊急電話求救,但奇怪嘅係,據救援人員講返,佢哋都係憑兩人嘅自拍照認出事發地點,結果兩人當然係安全脫險。

兩人獲救後憶述事發經過。佢哋去到德比郡(Derbyshire)嘅 Winnats Pass,果度恍如綠色嘅大峽谷,在車道與小徑兩旁,盡是陡峭嘅斜坡。由於想找出一些人跡較少嘅地點(估計係為咗拍照),兩人專揀啲小路行,結果咪被困在斜坡一個小台階上,不能前進也無法後退。無計可施之下,唯有 Call 幫手。

負責呢次救援任務嘅 Edale Mountain Rescue 隊員 Steve Row 透露更多細節。他說:「其實喺電話道,佢哋已經描述得幾詳細,講得出喺附近有個小山洞;有人仲提議可以傳張較早前拍嘅自拍相畀我哋,張相嘅背景可以見到呢個山洞。」臨危不亂好重要,不過文章作者都質疑,既然手電收到訊號,其實開 Google Maps 搵座標係咪仲準確快捷?唔係次次咁好彩有人認到出長相係邊度拍!文章作者仲寫咗幾個行山要注意嘅事項畀大家,有興趣嘅可以睇返原文(請按這裡)。

最後,Winnats Pass 景色又真係幾靚,以下呢條短片由原文作者提供,大家不妨睇吓(溫提:頭 5 分鐘可略過):

Source:DIYPhotography,  Edale Mountain Rescue

想自動收到最新科技情報或網上優惠筍料,請按 Like Follow ezone.hk Facebook,並使用「搶先看」(設定方法按此) 功能!


標籤: 自拍 , GoogleMap , 救命 , 行山 , 緊急電話 , 救援 , 座標 , 注意事項
會員中心
只需免費登記成為 e-zone Club 會員,即可參加每期 Jetso 激賞有獎遊戲,並有機會參與 e-zone 舉辦的免費會員活動!