Ruggie 鬧鐘地墊迫你起身! 【有片】踩住先識停嘅古惑鬧鐘 shiuhk 一月 29, 2016 18:58

人生有 8 個字:可愛,得意,奇怪,好萌。 所以興趣是想像不到的闊。

傳說裡,世界上擁有最強磁力的,係自己張床。冇錯,相信好多人每日都同自己張床經過生離死別,恨不得癡到實一實永遠唔分開。好多人都明勉強要爬起身呢種痛苦,只可惜你既老細係唔會明架。為左解決人類一出生就開始面對既煩惱,各種奇怪既鬧鐘被創造出來。 而 Ruggie,鬧鐘地墊就係打住「世界最強鬧鐘」既旗號推出。因為呢個唔係一個普通既鬧鐘,而係一個要採實先識得停既鬧鐘。

呢個設計完全係逼人離開張床既惡魔,依靠既係觸碰式壓力感應裝置。只少 3 秒以上既壓力先可以令鬧鐘停落來,當然用家仲可以將時間定長少少,長到企到醒晒先都仲可以。地墊的左上角可以隨壓力顯示時間,係 20 秒後自動關閉,唔驚會浪費電力。更加個人化的是,除左內置既音效,用家可以透過 USB 將鍾意既歌輸入 Ruggie,想用咩風格都可以輕鬆搞掂。 Ruggie 地墊的材質採用軟記憶海棉,就算起身個時凍冰冰,採落去都唔驚凍親對腳啦。雖然記者就覺得凍啲個效用可能更大啦。



Ruggie 暫時只有一個尺吋單一顏色,開發者亦正計劃推出嬰兒藍色,15.5 x 23.5 英吋,帶一個USB插頭。 開發者正在係募款網站 kickstarter 進行募款,離截止日期還有一個多月就已經得到 6 倍以上的募款成效, Ruggie 定價為 $79 美元,六張的套裝都只係 $415 美元,最快預計 2016 年 9 月能發貨。


Source: Ruggie @ Kickstarter, Tech Insider @ Youtube

想自動收到最新科技情報或網上優惠筍料,請按 Like Follow ezone.hk Facebook,並使用「搶先看」(設定方法按此) 功能!


標籤: 鬧鐘 , 懶床
會員中心
只需免費登記成為 e-zone Club 會員,即可參加每期 Jetso 激賞有獎遊戲,並有機會參與 e-zone 舉辦的免費會員活動!